Nyong deng Nona-Nona ngoni tau jo tu listrik statis,ato ngoni nyanda ja blajar, wkwk:D.Sini ta se tau kalu ngoni blum tau, makanya jangan kaluar dulu dari ni blog kong baca sampe abis.

  Listrik Statis itu tu listrik yang depe muatan cuma jaga badiam ditampa, didalam listrik ini ada 3 muatan, yaitu PROTON, NEUTRON, ELEKTRON. Contoh dari listrik statis yaitu benda-benda yang terdapat disekitar pa torang, misalnya rambut,mistar,kaeng,kertas,dll. Di benda-benda tadi, ada depe urutan di deret tribolistrik. Depe urutan deret tribolistrik begini.

1) Rambut
2) Wol
3) Kaca
4) Sutra
5) Karet
6) Plastik

Semakin kabawah, depe benda itu lebe cenderung untuk menarik elektron. Sedangkan semakin keatas depe benda lebe cenderung melepas elektron.    

 Listrik statis kan depe muatan cuman babadiam, jadi muatan di listrik statis ini mo bajalang musti ada cara-cara atau metode-metode tertentu yaitu penggosokan,induksi, dan penyentuhan. Contoh dari salah satu metode tersebut yaitu torang goso mistar pa torang pe rambu sebalama, nanti tu muatan elektron dirambu mo ba pindah ka mistar,kyapa kong tu elektron dari rambu yang bapindah ka mistar ? Itu karna dalam deret tribolistrik mistar plastik lebe cenderung menarik elektron daripada rambu. Selain Listrik Statis, ada le tu listrik satu, yaitu Listrik Dinamis. Listrik Dinamis depe muatan didalam bergerak, beda dengan Listrik Statis.Contoh dari ni listrik dinamis yaitu aliran listrik yang mengalir didalam kabel for semanyala lampu. Ini beda skali dengan listrik statis lantaran di listrik dinamis torang nda perlu melakukan metode khusus for sepindah depe muatan.Cuma di ini blog mo selebe perjelas tu Listrik Statis.

  Listrik Statis ini le masih banya depe contoh. Contoh yang pertama yaitu:

1.Kain deng Balon
Balon yang depe muatan netral ada badiam kong torang segoso deng kain yang bermuatan netral tantu elektron dari kain mo bapindah ka balon. Hal itu dapat terjadi karna didalam tribolistrik, balon lebe cenderung for batarek elektron daripada kain. 

2. Petir
Pertama ada dua awan yangh bakudapa. Dua awan ini masing-masing memiliki muatan elektron. Abis bakudapa, dua awan ini bersatu sehingga menjadi kelebihan eletron. Elektron-elektron tersebut tertarik dengan tanah yang punya muatan proton. Ini bekeng depe elektron di awan datang mencari proton tersebut. Namun, elektron tersebut datang dalam jumlah yang banyak sampe bekeng terjadi listrik dalam jumlah yang besar sehingga terjadi petir. 

Sebenarnya ada masih banyak lagi depe contoh, tapi ini depe contoh dalam kehidupan sehari-hari. Terima kasih bro and sis.